Prokuroria Themelore Publike Shkup dorëzoi propozim për përcaktimin e masës së arrestit afatshkurtër në kohëzgjatje prej 48 orëve për dy persona për të cilët ekziston dyshimi se kanë marrë pjesë në veprën penale “rrëmbim” të Samoil Kostadinovskit, nipit të Lube Boshkoskit.
“Prokuroria Themelore Publike Shkup te gjykatësi i procedurës paraprake nga Gjykata Themelore Penale Shkup dorëzoi propozim për përcaktimin e masës së arrestit afatshkurtër në kohëzgjatje prej 48 orëve për dy persona për të cilët ekziston dyshimi se me veprimet e tyre kanë marrë pjesë në veprën penale – Rrëmbim nga neni 141 i Kodit Penal. Në interes të procedurës, Prokuroria Publike nuk është në mundësi të ndajë shumë detaje për momentin”, thonë nga PTHP për MIA-n.
Gjurmët e Kostadinovskit humbën më 4 mars te Ambasada e Çekisë, ndërsa zhdukjen e tij e ka lajmëruar vëllau i tij. Rastin e konfirmoi edhe Ministria e Punëve të Brendshme në buletinin ditor të 6 marsit.
“Më 04.03.2023 në orën 08:00 në SPB Shkup, M.K. (32) nga Shkupi ka lajmëruar se nga shtëpia është zhdukur vëllau i tij S.K.(26)”, citohet në buletinin policor.