Kanë përfunduar pjesët e para në dy ndeshjet e sotme, të cilat po zhvillohen në Therandë e Gjilan, në kuadër të javës së 24-t të Albi Mall Superligës së Kosovës në futboll.
Në kryendeshjen e javës, ndërmjet liderit në tabelë, kampionit aktual, Ballkanit dhe Dritës, skuadrat në pushim kanë shkuar me barazimin 1:1.
Vendësit kaluan në epërsi në minutën e 18-të, kur pas harkimit nga Astrit Thaçi, Edvin Kuq shënoi për 1:0.
Mysafirët u kundërpërgjigjën në minutën e 37-të, kur Leonard Vitija i barazoi shifrat në 1:1.
Me barazim, por pa gola kanë përfunduar 45 minutat e parë ndërmjet Gjilanit e Prishtinës.