Luis Enrique mund të jetë trajner i Milanit dhe menjëherë pritet t’i transferojë dy yje për 60 milionë euro.
Stefano Piolo dhe Luis Enrique janë dy trajnerët më të përfolur ditën e sotme në mediat sportive.
Mediat italiane kanë lëshuar një lajm bombastik duke shkruar se Milan do ta shkarkojë Piolin dhe vendin e tij do ta zërë Luis Enrique.
“Rosonerët” nuk janë të kënaqur me Piolin dhe në verë 57-vjeçari do të largohet nga “San Siro”.
Luis Enrique është i gatshëm që t’i rikthehet punës dhe drejtuesit e Milanit janë të gatshëm t’ia besojnë drejtimin e skuadrës.
Calcio Mercato, ka lëshuar një lajm bombastik duke zbuluar dy super përforcimet e Enriques te Milani. Sipas Calcio Mercato, Milan në verë do të transferojë Alvaro Moratan dhe Ferran Torres.
Për të siguruar shërbimet e dyshes, Milan do të duhet të shpenzojë 60 milionë euro.