Pasojat nga shuplaka tashmë famëkeqe e Will Smith ndaj Chris Rock në ceremoninë e ndarjes së çmimeve Oscar të vitit të kaluar vazhdojnë të prodhojnë titujt kryesorë në mediat online në mbarë botën.
Që prej mbrëmjes kur ndodhi ky incident dhe deri tani komediani nuk ka preferuar që të flasë apo të bëjë ndonjë reagim. Por së fundmi Rock ka vendosur të kundërpërgjigjet me një deklaratë të fuqishme.
Rock, gjatë një shfaqjeje të fundit ‘stand-up’, komentoi pak në lidhje me martesën e Smith, duke deklaruar se pabesia e Jada Pinkett ishte shumë më e dhimbshme sesa shuplaka që mori.
“Will Smith praktikon zemërim selektiv. Të gjithë ata që e dinë me të vërtetë e dinë se unë nuk kam pasur asnjë lidhje me atë. Nuk kam pasur asnjë ngatërresë. Ne të gjithë jemi mashtruar. Të gjithë në këtë industri janë mashtruar. Asnjë prej nesh nuk është intervistuar ndonjëherë nga personi që na ka tradhtuar në televizion. Asnjëri prej nesh. Pse do ta bënit atë? Ajo e lëndoi atë shumë më shumë sesa ai mua, mirë?”-tha Rock.
Por ky nuk ishte komenti i vetëm i diskutueshëm i bërë nga Chris Rock. Në projektin e fundit të komedianit në Netflix, ai bëri një shaka për filmin e ri të Will Smith “Emancipation”.
Nga ana tjetër ia vlen të theksohet se Chris Rock po ndihmon Netflix të shkojë atje ku shërbimi i transmetimit nuk ka shkuar kurrë më parë, Live! Kompania e bëri njoftimin në ditën e Krishtlindjeve në Twitter me komedianin duke marrë drejtimin. “Përshëndetje, unë jam Chris Rock”, filloi 57-vjeçari, dhe stand-up-i im i ri, Selective Outrage, do të transmetohet në Netflix, drejtpërdrejt më 4 mars 2023 në orën 22:00, ora 19:00 e Paqësorit Lindor.
Top Channel