Arsenali ka shënuar fitore 3:2 ndaj Bournemouth në një ndeshje spektakolare, duke marrë parasysh që mysafirët patën epërsi prej 2:0, pastaj rezultati u barazua në 2:2, ndërsa vendësit golin e fitores e shënuan në minutën e 88-të.
Ndeshja nisi shumë keq për Arsenalin, pasi pranoi gol që në sekondën e nëntë, me Philip Billing që shënoi për 0:1.
Me epërsinë prej një goli të mysafirëve, skuadrat shkuan në pushim pas pjesës së parë.
Në fillimin e pjesës së dytë, pritej që Arsenali të barazonte, por ndodhi e kundërta, me Bournemouthin që shënoi. Mbrojtësi Marcos Senesi shënoi me kokë për 2-0 në minutën e 56-të.
Por Arsenali shpejt u kthye në lojë, kur Thomas Partey shënoi nga brenda zonës për 2:1.
“Topçinjtë” vazhduan me sulme dhe arritën të barazonin rezultatin në minutën e 70-të me Ben White për 2:2.
Arsenali kërkoi penallti dy herë për prekje të topit në zonë me dorë, por gjyqtari dhe VAR-i heshtën në të dyja rastet.
Kur pritej që të mbyllej ndeshja, në minutën e tetë të kohës shtesë Reiss Nelson shënoi super gol për 3:2.
Pas kësaj fitoreje Arsenali mbetet lider me 63 pikë, pesë më shumë se Manchester City që është i dyti.
The post Nga 0:2 në 3:2, spektakli i takon Arsenalit appeared first on SHQIP.com.