Sevilla po kalon një moment shumë delikat teksa janë afër vendeve të rënies.
Ditët e fundit është përfolur për zëvendësimin e mundshëm të Sampaolit në fund të sezonit me Marcelo Gallardo, ish-trajneri i River Plate, i cili ka qenë objektivi kryesor, por e vërteta është se, çuditërisht, Diego Pablo Simeone është gjithashtu një opsion për drejtuesit e Sevillas, sipas burimeve pranë skuadrës andaluziane.
Me pozicionin e tij gjithashtu në dyshim te Atletico Madrid, Sevilla mund t’i besojë trajnerit argjentinas stolin.
Kujtojmë se Simeone luajti për 2 sezone me fanellën e Sevilla në 1992-1994.
