Një pikturë e realizuar nga Edvard Munch-i, që i mbijetoi Luftës së Dytë Botërore, e fshehur në një hambar nga nazistët, së bashku me një version të “The Scream”, është shitur për 20 milionë dollarë.
Piktura “Dance on the Beach”, gati 4 metra, i përkiste norvegjezit Thomas Olsen, i cili e kishte vendosur atë në anijen që lundronte nga Oslo në Newcastle.
Pasi Gjermania pushtoi atdheun e tij në vitin 1940, Olsen e zbriti pikturën dhe e fshehu në një hambar në një pyll norvegjez, në mënyrë që nazistët të mos e gjenin. Olsen, i cili ishte një mik i Edvard Munch, fshehu edhe një version të pikturës së famshme “The Scream” atje.
Piktura “The Scream” u shit në vitin 2012 për një rekord prej 98 milionë paund. “Dance on the Beach” ishte ekspozuar vetëm dy herë që nga lufta dhe tani familja Olsen e shiti atë në ankandin e Londrës për 20 milionë dollarë.
Top Channel