Kandidati i “Forumit Shqiptar”, për zgjedhjet e 5 Marsit, Nik Gjeloshaj, ka takuar qytetarët e Trieshit, bashkë me prijësit tjerë të këtij koalicioni dhe të Listës zgjedhore që garon nën numrin 5, për të dhënë mesazhin e unitetit, mesazhin e punës e përkushtimit, projekteve dhe zhvillimit të Tuzit dhe Malësisë.
Malësia ka zot, ka gjuhë e flamur, Malësia ka bijat e bijtë e vet që i dalin zot kur i duhet për ta çuar përpara kauzën e barazisë, zhvillimit dhe perspektivës në këtë anë, sa tradicionale, as atdhetare.
Me kandidatin edhe për mandatin e dytë, Nik Gjeloshaj, ishin të pranishëm edhe krerët tjerë të koalicionit, kandidat të listës “Forumi Shqiptar”, të cilët paraqitën para qytetarëve të Trieshit, vizionin dhe strategjinë zhvillimore, premtimet dhe zotimet e pushtetit lokal për mirëqenien e Trieshasve, Tuzit dhe tërë Malësisë.
“Bashkim e Zhvillim” është formula e fitores, formula pas të cilës janë shqiptarët, për vete dhe fëmijët e vet, mirëqenie e kushte më të mira me perspektivë, është formula e “Forumit Shqiptar” që mbledh forcat politike shqiptare, për fitoren e 5 Marsit, fitoren e shqiptarëve për Tuzin e Malësinë dhe të gjithë qytetarët e kësaj ane pa dallim.
Në fjalën e rastit përpara banorëve të Trieshit kryetari i komunës së Tuzit,dhe bartës i listës së Forumit Shqiptarë,Nik Gjeloshaj tha,ideali ynë kombëtarë,dëshira për të zhvilluar Malësinë është ajo e cila na ka bërë bashkë partitë politike duke vu interesin e Malësisë mbi atë personal dhe partiak.
Nuk e kemi të nevojshme të përmendim investimet,dhe punën e realizuara sepse ata janë gjëra që qytetarët e Malësisë i shohin çdo ditë dhe vërejnë ndryshimin dhe zhvillim e Malësisë.Më e rëndësishme për tu përmendur është se ne kemi kthyer dinjitetin shqiptarë në Malësi dhe shpresën për të rinjtë e të rejat e këtij vendi,duke krijuar kushte për investitorë të huaj dhe krijimin e vendeve të punës për kuadrot tona të shkolluara që të japin kontributin e tyre për zhvillimin e vendit,tha Gjeloshaj.
Notën më të mirë për ne dhe punën tonë na e ka dhënë diaspora jonë,e cila kësaj radhe është katërfishuar,dhe ky është një mesazh shum i mirë për ne.Malësia dhe malësorët gjithmonë kanë pasur prioritet ruajtjen e identitetit tonë kombëtarë,dhe un sot shoh këtu atdhetarin tonë Nikollë Junçaj,me shokë që kanë ardhur nga Amerika për të ruajtur me laps identitetin tonë kombëtarë i cili në vitin 1999 ka marë pjesë dhe në luftën e Kosovës duke iu pëgjigjur kushtrimit të kombit gjithandej,theksoi Gjeloshaj.
