Projekti i promovuar si prioritet i punës së ekzekutivit të komunës së Tuzit, të përfaqësuar nga “Forumi Shqiptar”, me numrin 5 në zgjedhjet e 5 Marsit, Ura e Dinoshës është projekt i radhës, projekt modern dhe shumë i domosdoshëm për këtë pjesë të Malësisë.
“Forumi Shqiptar”, në deklaratën e vet, ka theksuar se “Realizimi i këtij projekti do të përfaqësojë një tjetër triumf të vullnetit të popullit, i cili do të sjellë gëzim dhe mundësi të reja për të gjithë qytetarët tanë”.
Deklarata e plotë e “Forumit Shqiptar”:
Projekti ynë i radhës, i cili do të realizohet plotësisht dhe me sukses, është Ura e Dinoshës.
Meqënëse Ura e Dinoshës ishte projektuar nga të paditurit e PDS-së vetëm me një korsi, ne e ndërruam projektin dhe e bëmë me dy korsi, sepse me përfundimin e ndërtimit të rrugës për në Cem të Trieshit dhe hapjen e pikës së përbashkët kufitare mendojmë se kjo urë është një nevojë e madhe për qytetarët e Dinoshës, por edhe për udhëtime ndërkombëtare.
Realizimi i këtij projekti do të përfaqësojë një tjetër triumf të vullnetit të popullit, i cili do të sjellë gëzim dhe mundësi të reja për të gjithë qytetarët tanë.
Gjithashtu kjo urë do të ndikojë në përmirësimin dhe promovimin e turizmit dhe valorizimin e potencialëve dhe resurseve të shumta që Dinosha jonë zotëron. Malësia po zhvillohet në çdo cep. Bashkim e Zhvillim!
