Kryetari i komunës së Tuzit,Nik Gjeloshaj sot i ka propozuar Kuvendit të Komunës së Tuzit nisjen e procedurës për ndarjen e Titullit Qytetar nderi Zonjës së nderuar Tole Leka Berishaj.
Këtë e ka bërë të ditur Gjeloshaj nëpërmjet një statuzi në faqen zyrtare të tij,i cili ka theksuar se ky titull i lartë do të ndahet për të treguar vlerësimin që ka Komuna e Tuzit për këtë zonjë të nderuar,e cila ka dhënë kontribut të jashtëzakonshëm në ruajtjen e kulturës,traditës dhe veshjeve kombëtare,që ka punuar me shumë se 150 xhubleta.
Komuna e Tuzit ka treguar kujdes të veçantë për zhvillimin dhe promovimin e kulturës dhe aktiviteteve që janë zhvilluar në atë drejtim.
Ja postimi i plotë:
Me motivacion të lartë dhe entuziazëm i propozova Kuvendit të Komunës së Tuzit, nisjen e procedurës për ndarjen e Titullit Qytetar nderi për Zonjën e nderuar Tole Lekën Berishaj. Dua të theksoj se ky titull i lartë do të ndahet për të treguar vlerësimin që ka Komuna e Tuzit ndaj kësaj Zonje të nderuar.
Siç dihet, nder synimet kryesore të administratës sonë ka qenë çdo herë zhvillimi dhe promovimi i kulturës dhe aktiviteteve që do të zhvilloheshin në këtë drejtim.
Në këtë sferë jam i bindur se ia dolëm plotësisht, duke filluar nga panairi i librit dhe kolonia artistike e deri te shpallja e vitit 2023 si Viti i Xhubletës.
Kësisojit e shndërruam Tuzin në qender të ngjarjeve me karakter kulturor.
Ditën e sotme, një ikonë e xhubletês autoktone shqiptare, zonja e nderuar Tole Lekja Berishaj, feston ditëlindjen.
Referencë për teknikën dhe mjeshtërin e punimit kjo Zonjë e nderuar tani më në mosh u bë për shumë dekada me rrallë, promovuese dhe mbrojtëse e pasurisë sonë katërmijëvjeçare, si gjëja më e çmuar që kemi në fushën kulturore dhe etnografike, e cila ka punuar më shumë se 150 xhubleta, meriton të gjitha lëvdatat, respektin dhe mirënjohjen tonë, me ç” rast, tre vite më parë, Komuna e Tuzit i ndau mirënjohje për angazhimin e saj në ruajtjen e trashëgimisë kulturore me theks të veçantë tek xhubleta, kjo vlerë sa antike aqe e gjallë mes nesh.
Për shkak të punës së saj atdhetare dhe angazhimit të vazhdueshëm në ruajtjen e mjeshtris së punimit të xhubletës, shumëzimit të saj dhe vlerave kombëtare që ajo paraqet, për kontributin e saj të palodhshëm në promovimin e bukurisë dhe vlerës së xhubletës e dokumentuar si katërmijëvjeçare në vend, arealin kombetar si dhe mbarë botën, duke fituar se fundmi edhe statusin e mbrojtjes së UNESCO-s.
Prandaj këtë motivacion kam nderin të propozoj zonjën e nderuar Tole Lekja Berishaj për titullin e Qytetarit të nderit të komunës sonë.
Jemi krenarë që zonja e nderuar Tole Lekja është bashkëqytetare e jona dhe që puna e duarve të saj prej mjeshtres së madhe, ruajtën traditën dhe kulturën tonë të pasur shqiptare.
Ky titull do të ndahet këtë vite, pas ezaurimit të procedurave të parapara me datën 1 shtator-Ditën e Komunës së Tuzit.
Respekt dhe nderim i përjetshëm, duke i uruar që ta kemi edhe për shumë vite tjera në mesin tonë duke shijuar punën shumë me vlerë të saj!
Nik Gjeloshaj,
kryetar i komunës së Tuzit
