Sipas një raporti të ri, këshilltari special që mbikëqyr një hetim penal të ish-presidentit amerikan, Donald Trump, ka lëshuar fletëthirrje për vajzën e Trump, Ivanka dhe bashkëshortin e saj Jared Kushner.
Thirrjet nga këshilltari special, Jack Smith, të cilat kërkojnë dëshminë e çiftit përpara një jurie të madhe, lidhen me hetimin e tij për përpjekjet e ish-presidentit amerikan, Donald Trump, për të qëndruar në Shtëpinë e Bardhë pas humbjes së zgjedhjeve të vitit 2020 ndaj presidentit aktual, Joe Biden dhe trazirave të 6 janarit të vitit 2021 në Kapitolin e SHBA-së, raportoi The New York Times.
Si Ivanka Trump ashtu edhe Kushner shërbyen si këshilltarë të lartë të Shtëpisë së Bardhë të ish-presidentit, Tramp.
Të dy ata kishin dëshmuar në komitetin e zgjedhur të Dhomës së Përfaqësuesve që hetoi trazirat e Kapitolit nga një turmë mbështetësish të Trumpit të zemëruar nga pretendimet e rreme të ish-presidentit për humbjen ndaj Biden për shkak të mashtrimit të votave.
Smith më parë lëshoi një thirrje për ish-zëvendëspresidentin Mike Pence, i cili ka thënë se do të kundërshtojë kërkesën për dëshminë e tij.
Dhe, Smith thuhet se thirri ish-shefin e shtabit të Trump, Mark Meadows, në të njëjtin hetim.
Zëdhënësit e këshilltarit special nuk pranuan të komentojnë raportin e Times. Avokatët e Ivanka Trump dhe Kushner nuk iu përgjigjën menjëherë kërkesave të CNBC për koment.
Smith gjithashtu po kryen një hetim penal të ish-presidentit amerikan Trump, në lidhje me heqjen e të dhënave të Shtëpisë së Bardhë nga Trump kur ai la detyrën dhe dërgimin e tyre në klubin e tij Mar-a-Lago në Palm Beach, Florida. Shumë nga ato regjistrime u shënuan të klasifikuara.
Evan Corcoran, një avokat që përfaqësonte Trumpin në atë situatë, thuhet se doli përpara një jurie të madhe që mbledh prova për hetimin dhe ka mbajtur avokatin e tij.
Ndryshe, Trump ka mohuar çdo keqbërje. /cnbc