Sekretari i përgjithshëm i NATO-s Jens Stoltenberg ka folur rreth fjalimit të sotëm të presidentit rus, Vladimir Putinit.
Stoltenberg ka kërkuar nga Rusia që të rishqyrtojë vendimin e saj për pjesëmarrjen e saj në traktatin për arsenalin strategjik bërthamor me Shtetet e Bashkuara të Amerikës “New Start”.
Sekretari i përgjithshëm i NATO-s tha se Putin vazhdon të përshkallëzojë luftën dhe se ata po planifikojnë të zhvillojnë një takim me ekspertë të prokurimit të armëve për të siguruar që Ukraina të ketë armët e nevojshme, raporton BBC.
Kujtojmë se sot Putini fajësoi Perëndimin për provokimin e luftës dhe përshkallëzimin e saj, duke thënë se SHBA dhe aleatët e saj kërkuan “pushtet të pakufizuar”.
“New Start” është marrëveshja e fundit e mbetur e armëve bërthamore midis Moskës dhe Uashingtonit dhe u shty për pesë vjet në vitin 2021.
Fjalimi erdhi përpara përvjetorit të parë të pushtimit në shkallë të plotë të Ukrainës nga Rusia të premten.
Rusia ka pësuar humbje të mëdha në luftë por pritet të nisë një ofensivë të re në pranverë.
