Eksperti i sigurisë, Miroslav Bjegoviq, ka thënë se Serbia nuk do të pranojë asnjë marrëveshje derisa të zgjidhet dispozita kryesore e Marrëveshjes së Brukselit, e cila nënkupton formimin Asociacionit të Komunave me shumicë Serbe.
Ai ka thënë se në kuadër të konferencës së Mynihut është biseduar edhe për Kosovën ku, siç tha ai, BE-ja ka tentuar të imponojë një zgjidhje që nuk është e pranueshme për Serbinë dhe që nënkupton lejen e Serbisë që Kosova të pranohet në OKB.
Ai shtoi se Serbia nuk është e detyruar të vendosë sanksione ndaj Rusisë, sepse ajo nuk është anëtare e BE-së dhe për këtë arsye nuk ka asnjë detyrim që të harmonizojë politikën e saj të jashtme me të sajën.
Bjegoviq po ashtu tha se presioni ndaj Serbisë do të jetë gjithnjë e më i fortë dhe se BE-ja mund ta kushtëzojë Serbinë të tërheqë investimet dhe të anulojë regjimin pa viza, nëse nuk vendos sanksione ndaj Rusisë, raporton Tanjug.
