Fillimi i sezonit nën pritshmëritë, largimi i hershëm nga Champions League dhe procedurat e komplikuara ligjore që komprometuan përparimin e tij në kampionat nuk i sigurojnë të ardhmen Massimiliano Allegrit në krye të Juventusit.
Zinedine Zidane është padyshim një nga emrat e mundshëm për të zëvendësuar trajnerin italan. Tifozët e Juventusit ëndërrojnë rikthimin e tij në Torino, por operacioni nuk ka mundur të realizohet kurrë. A është kjo koha e duhur?
Ish-trajneri i Real Madridit ka qenë jashtë fushës për një kohë të gjatë dhe sipas zërave të fundit, ai është favorit për të zëvendësuar Galtier në bankinën e Paris Saint Germain.
Trajneri francez ka lëshuar disa deklarata në mikrofonat e Le Figaro, si më poshtë:
“Kthimi në bankinë është qëllimi im. Sot kam kohë të lirë por nuk e di sa do të zgjasë. Ndoshta kam kohë deri në qershor, por mund të ndodhë shumë shpejt që të rikthehem në bankinë”.