Napoli e ka bërë hapin e radhës drejt titullit të kampionit. Napolitanët sonte fituan si mysafirë të Sassuolos me rezultat 2-0 në kuadër të javës së 23-të Serie A.
Amir Rrahmani e nisi ndeshja nga minuta e parë dhe vazhdon të jetë pikë reference në mbrojtjen napolitane.
Goli i parë në ndeshje erdhi në minutën e 12-të, kur Khvicha Kvaratskhelia kaloi disa mbrojtës dhe shënoi për 1-0.
Pas disa rastesh në të dyja anët erdhi edhe goli i dytë në ndeshje.
Zhvillohej minuta e 33-të, kur Victor Osimhen shënoi pas asistimit të Amir Rrahmanit, duke ngritur rezultatin në 2-0.
Pjesa e dytë kishte më pak raste, me një gol të shënuar nga Giovanni Simeone që u anulua po ashtu nga VAR.
Napoli tani ka 62 pikë, plot 18 pikë më shumë se sa Interi që është i dyti.
