Ylli portugez i futbollit, Cristiano Ronaldo ka fituar 334,637 dollarë nga avokati i akuzueses të tij për përdhunim.
Një gjykatës amerikan deklaroi se avokati i Kathryn Mayorga, Leslie Stovall, duhet t’ia dorëzojë personalisht paratë sportistit më të paguar në botë, pasi Ronaldo pretendoi se ai ishte paragjykuar nga avokati në çështjen e gjatë, shkruan “Daily Mail”, përcjell Shqip.com.
Një gjykatës amerikan ka rekomanduar që çështja civile kundër Cristiano Ronaldos mbi akuzat për sulme seksuale të hidhet poshtë.
Ronaldo është akuzuar për përdhunimin e Kathryn Mayorga në një hotel në Las Vegas në qershor 2009.
Mayorga nënshkroi një marrëveshje moszbulimi në 2010 dhe u pagua 275,000 £ për të mos dalë publikisht me pretendimin e saj.
Procedurat penale kundër Ronaldos u rihapën në vitin 2018, por u mbyllën vitin e ardhshëm pasi prokurorët vendosën se akuzat nuk mund të “vërtetohen përtej dyshimit të arsyeshëm”.
Por pasi hoqi dorë nga anonimiteti i saj në 2018, Mayorga ngriti një çështje civile kundër Ronaldos, me përfaqësuesit e saj duke pretenduar se ajo nuk ishte në gjendje të mirë mendore për të nënshkruar marrëveshjen e moszbulimit në 2010.