Është tensionuar situata para parlamentit, pasi protestuesit kanë hedhur mjete piroteknike ndaj policisë.
Ndërkaq policia ka rritur numrin e pjesëtarëve të saj për tu përkujdesur për mbarëvajtjen e protestës.
Pjesë e protestuesve që po përplasen me policinë është edhe deputeti Luçiano Boçi.
Mësohet se disa deputetë të Partisë Demokratike të cilët janë përjashtuar me 8 ditë nga parlamenti po tentojnë të hyjnë me forcë, por nuk janë lejuar nga garda.
Deputetët që janë duke u përplasur janë Albana Vokshi, Luan Baci dhe Luçiano Boçi.
Kjo protestë nuk do të jetë e vetmja, pasi Berisha paralajmëroi një valë protestash të shtunën, raporton Abcnews.