Shumica e ndërtesave në Holandë nuk kanë perde. Holandezët njihen si një popull shumë miqësor, siguria dhe kënaqësia e përgjithshme janë prioritete në këtë vend.
Kultura e tyre përshkruhet si jashtëzakonisht liberale. Nëse keni vizituar ndonjëherë vendin e tulipanëve, sigurisht që e keni ndjerë atmosferën e përshkruar, si dhe keni përjetuar që banorët e saj nuk e kanë problem të ndajnë privatësinë e tyre.
Në Holandë, rrallë do të shihni perde në një dritare. Arkitektura holandeze dhe ndërtesat e apartamenteve janë zakonisht arsyeja e parë për të kënaqur vizitorët. Të gjitha ndërtesat janë vizualisht të ngjashme, shumë të ngushta dhe të larta dhe materialet dominuese janë tulla dhe druri.
Më herët, shteti taksonte ndërtimin në gjerësi dhe holandezët filluan të ndërtonin pasuritë e tyre të paluajtshme në lartësi për të paguar më pak taksa. Ndërsa ecni përgjatë kanaleve të Amsterdamit, do të ecni edhe përgjatë shtëpive të ngushta, të larta, të lidhura me maksimum pesë kate dhe tre dritare të ngushta për kat. Veçanërisht në mbrëmje, do të keni mundësi të shikoni në shtëpitë e njerëzve të tjerë dhe të shihni brendësinë e tyre.
Shpjegimi i këtij fenomeni daton që në mesjetë e cila dikton se qytetarët nuk kanë asgjë për të fshehur dhe se perdet në dritare mund të tregojnë të kundërtën. Holandezët i përmbahen kësaj, duke besuar se një pamje e lirë e shtëpisë së tyre dëshmon se ata nuk kanë sekrete. Perdet e hapura siguruan që këto zonja të vetmuara të mos bënin asgjë “të gabuar” derisa burrat e tyre ishin larg.
Perdet e mbyllura ngrinin dyshime. Ekziston edhe një histori që ata nuk vendosin perde në dritare sepse duan t’u tregojnë të tjerëve se sa të pasur janë. Holanda ka një sistem arsimor, infrastrukturë shumë të mirë dhe në përgjithësi ofron një cilësi të shkëlqyer jetese. Të ardhurat mesatare mujore janë 3028 euro./ TAR
Top Channel