Richarlison, Payet dhe Oleksy janë tre kandidatët për çmimin e FIFA-s “Puskas”, vlerësimi për golin më të mirë të vitit 2022.
Braziliani është kandidat për golin e bukur të shënuar me kombëtaren e tij ndaj Serbisë në Kupën e Botës. Nëse fiton, do të ishte çmimi i tretë për një lojtar të Tottenhham pas Eric Lamelas dhe Son.
Payet është në garë me gjuajtjen e fuqishme nga 25 metra duke e dërguar topin në trekëndësh në ndeshjen e Marseille kundër PAOK.
Në fund është Marcin Oleksy, një lojtar polak me aftësi të kufizuara, i cili luan me një këmbë dhe arriti të shënojë me një goditje të pabesueshme fluturimthi në një ndeshje futbolli mes lojtarëve pa njërën këmbë.
