Carlo Doglioni, Presidenti i Institutit Kombëtar të Gjeofizikës në Itali shprehet se toka ne zonat e prekura nga termeti ka levizur me 3 metra.
Ai sqaron se të dhënat satelitore, kur të jenë të disponueshme, do të tregojnë matjen akoma më të saktë të lëvizjes së tokës.
Epiqendra e tërmetit duket se ka qenë në Anadollin lindor, aty ku bashkohen pllakat tektonike të Anadollit, Arabisë dhe Afrikës.
Pllakat tektonike kanë lëvizur horizontalisht, shpjegoi Doglioni për Ansa, duke shtuar se ka një çarje nga Mesdheu në veri-lindje që shkon deri në Detin e Zi dhe i bashkohet çarjes së veriut të Anadollit që arrin deri në Stamboll.
Nga tërmeti i fortë me magnitudë 7.8 në Turqi pranë kufirit me Sirinë, u dha fillimisht edhe një alarm për cunami në Turqi, Qipro, Itali. Por më pas alarmi u hoq.
