Në kuadër të shënimit të 24-vjetorit të Bashkimit Demokratik për Integrim (BDI), Kryetari i Degës së BDI-së në Tetovë, Bajram Rexhepi, mori pjesë në festën e forumit rinor, duke vlerësuar rolin e tyre në zhvillimin dhe forcimin e organizatës politike.
Me këtë rast, Rexhepi theksoi se BDI-ja, gjatë 24 viteve të ekzistencës së saj, ka ndërtuar një traditë të fuqishme politike dhe institucionale, duke mbetur e përkushtuar ndaj interesave të qytetarëve dhe perspektivës evropiane të vendit.
“Kur u themelua familja jonë e madhe politike, disa nga këta të rinj nuk kishin lindur ende. Sot, ata janë bërë forca lëvizëse e organizatës sonë, duke sjellë energji të re, ide inovative dhe përkushtim për të ardhmen”, deklaroi Kryetari i Degës së BDI-së në Tetovë, Bajram Rexhepi.
Ai shprehu mirënjohje për të gjitha gjeneratat që kanë kontribuar në rrugëtimin e BDI-së gjatë këtyre 24 viteve, duke veçuar rëndësinë e angazhimit të të rinjve në proceset politike dhe shoqërore.
Në fund, Rexhepi uroi të gjithë anëtarët, simpatizantët dhe mbështetësit e BDI-së me rastin e 24-vjetorit të themelimit të partisë.
Gëzuar 24-vjetorin e BDI-së!
Ja postimi plotë:
Sot festojmë 24 vjetorin e BDI-së me këta të rinjë. Kur u themelua famijla jonë e madhe politike, disa prej tyre nuk ishin as të lindur, por sot po bëhen forca levizëse e organizatës sonë politike.
Gëzuar
