Diaspora kërçovare në Zvicër do të mblidhet të dielën, më 6 shtator, në një takim të përbashkët me përfaqësues të strukturave të BDI-së nga Kërçova dhe të angazhuar në çështjet e diasporës.
Në takim do të marrin pjesë Kryetari i Degës së BDI-së në Kërçovë, Dr. Arlind Sejdini, Sekretari i Sekretariatit për Diasporë, Shefki Sadiku, si dhe Këshilltari i Kryetarit Ali Ahmeti për SHBA, Shemsedin Beqiri.
Takimi është konceptuar si një mundësi për komunikim të drejtpërdrejtë me bashkatdhetarët në Zvicër, ku do të shkëmbehen mendime, ide dhe propozime lidhur me bashkëpunimin mes diasporës dhe vendlindjes.
Organizatorët vlerësojnë se diaspora ka një rol të rëndësishëm në ruajtjen e lidhjeve me Kërçovën, ndërsa takime të tilla shërbejnë për forcimin e komunikimit dhe bashkëpunimit me komunitetin jashtë vendit.
“Kërçova na bashkon, kudo që jemi”, është mesazhi që shoqëron organizimin e këtij takimi.
Takimi do të mbahet në:
📍 Restaurant Traube
Oltnerstrasse 14, 4663 Aarburg, Zvicër
📅 E diel, 6 shtator 2026
🕖 Ora 19:00
Takimi është i hapur për të gjithë bashkatdhetarët kërçovarë në Zvicër.
Mërgata kërçovare, përmes angazhimit dhe bashkëpunimit, vazhdon të ruajë lidhjet e forta me vendlindjen.
