Shoqata “Jehona e Malësisë”, e cila drejton, administron dhe financon Shkollën Shqipe në Miçigan, shpreh mirënjohjen e saj të thellë për Zëvendëskryeministren dhe Ministren e Drejtësisë së Republikës së Kosovës, znj. Donika Gërvalla-Schwarz, si dhe për stafin e kësaj ministrie, për donacionin e çmuar prej 160 abetareve dhe fletoreve të punës.
Ky kontribut përbën një mbështetje të rëndësishme për misionin e Shkollës Shqipe në Miçigan, e cila me përkushtim punon për ruajtjen dhe kultivimin e gjuhës shqipe, kulturës dhe identitetit kombëtar te fëmijët shqiptarë në diasporë.
Materialet e dhuruara do t’u shërbejnë drejtpërdrejt nxënësve të shkollës, duke u ofruar atyre mjete të nevojshme për mësimin e gjuhës amtare dhe për forcimin e lidhjes së tyre me trashëgiminë shqiptare.
Kryetari i Shoqatës “Jehona e Malësisë”, z. Zef Berishaj, shprehu falënderimin e tij për këtë mbështetje të vlefshme, duke theksuar se kontribute të tilla janë një nxitje e madhe për vazhdimin e punës në edukimin dhe ruajtjen e identitetit shqiptar në diasporë.
“Ky akt bujarie dhe përkrahjeje tregon kujdesin dhe përkushtimin ndaj brezave të rinj shqiptarë jashtë atdheut. Ne e vlerësojmë shumë këtë mbështetje dhe do të vazhdojmë me edhe më shumë përkushtim misionin tonë për t’ua përcjellë fëmijëve gjuhën dhe kulturën tonë,” u shpreh z. Berishaj.
Shoqata “Jehona e Malësisë” falënderon edhe një herë Ministrinë e Drejtësisë së Republikës së Kosovës për këtë kontribut të rëndësishëm dhe për mbështetjen ndaj arsimit shqip në diasporë.
Ja postmi plotë:
Shoqata “Jehona e Malësisë”, e cila drejton, administron dhe financon Shkollën Shqipe në Miçigan, shpreh mirënjohjen e saj më të thellë për Zëvendëskryeministren dhe Ministren e Drejtësisë së Republikës së Kosovës, znj. Donika Gërvalla-Schwarz, si dhe për stafin e ministrisë së saj, për donacionin e vyer prej 160 abetareve dhe fletoreve të punës.
Ky kontribut është një mbështetje e çmuar për misionin tonë në ruajtjen dhe kultivimin e gjuhës, kulturës dhe identitetit kombëtar te fëmijët shqiptarë në diasporë. Donacioni juaj do të ndihmojë drejtpërdrejt nxënësit e shkollës sonë, duke u ofruar mjete të nevojshme për të mësuar dhe për ta dashur edhe më shumë gjuhën amtare.
Ju falënderojmë sinqerisht për kujdesin, përkushtimin dhe mbështetjen tuaj të vazhdueshme ndaj arsimit shqip në diasporë. Vlerësojmë lart këtë akt bujarie dhe solidariteti, i cili na motivon të vazhdojmë punën tonë me edhe më shumë përkushtim.
Me respekt dhe mirënjohje,
Kryetar i shoqatës “Jehona e Malësisë”
Zef Berishaj
