Bashkëpunim institucional për shëndetin e haxhilerëve
Sot, Myftiu i Tetovës, Dr. Selver ef. Xhemaili, i shoqëruar nga sekretari Semir ef. Fazliji dhe shefi i kabinetit Muhamed ef. Berzati, zhvilloi një takim pune me drejtorin e Qendrës për Shëndet Publik në Tetovë, Dr. Shaqir Zulbeari.
Gjatë takimit u diskutua për mbarëvajtjen e procesit të vaksinimit të haxhilerëve, i cili edhe këtë vit do të bëhet te Qendra për Shëndet Publik pranë Spitalit të Tetovës, si një hap i domosdoshëm për mbrojtjen e shëndetit individual të haxhiut, si dhe atij publik.
Pikat kyçe të këtij bashkëpunimi do të jenë si vijon:
✅ Siguria Shëndetësore: Vaksinimi si masë parandaluese për një udhëtim të sigurt të haxhilerëve.
✅ Ndërgjegjësimi: Informimi i drejtë i besimtarëve mbi rëndësinë e masave mjekësore.
✅ Koordinimi: Bashkëpunim i ngushtë institucional për të lehtësuar të gjitha procedurat para nisjes së haxhilerëve.
Të dy palët u dakorduan që ky proces të organizohet në mënyrë profesionale, duke garantuar një haxh të sigurt dhe të qetë për të gjithë besimtarët që do të vizitojnë vendet e shenjta këtë vit.
Me shëndet e mbarësi për të gjithë haxhilerët e ardhshëm!
