Dje u përkujtua përvjetori i ndarjes nga jeta i Tahir Hanit, një prej personaliteteve më të rëndësishme të jetës politike dhe shoqërore shqiptare në Maqedoninë e Veriut.
Tahir Hani, gjatë karrierës së tij të gjatë dhe të ndritur, ka shërbyer me përkushtim si kryetar komune, deputet në Kuvend, minister dhe në fund si zëvendës sekretar i përgjithshëm i Qeverisë së Maqedonisë së Veriut. Ai u dallua për profesionalizëm, ndershmëri dhe përkushtim ndaj interesave të qytetarëve, duke mbetur gjithmonë i afërt me njerëzit dhe me nevojat e tyre.
Në aktivitetin përkujtimor morën pjesë familjarë, miq, bashkëpunëtorë dhe shumë qytetarë që e kanë njohur dhe vlerësuar kontributin e tij.
Në mesin e të pranishmëve ishte edhe atdhetari Luan Veliu, i cili kujtoi me respekt figurën e Tahir Hanit si njeri që i qëndroi besnik parimeve të tij deri në fund — një burrë i urtë, vizionar dhe i palodhur në shërbim të kombit.
Kujtimi për Tahir Hanin mbetet i gjallë në zemrat e të gjithë atyre që e njohën dhe që sot gëzojnë frytet e punës dhe sakrificës së tij.
Lavdi jetës dhe veprës së tij.
