Nënkryetari i Bdi- së njëherit dhe shef i shtabit politik në Tetovë, Bajram Rexhepi nëpërmjet në statusi në fb ka alarmuar për gjendjen e ndërtimeve pa leje dhe legalizimeve koruptive që po ndodhin çdo ditë nga mafia urbane në komunën e Tetovës dhe Çairit.
Rexhepi ka theskuar se në Tetovë dhe Çair vetëm skema e ndërtimeve pa leje dhe legalizimeve korruptive funksionon në përpikshëri.
Bajram Rexhepi ka bërë të qartë dhe zgjidhjen e vetme të kësaj katrahure që po deformon qytetin e Tetovës.
“Tetova ka nevojë për planifikim të mirëfilltë hapësinor. Pa Plan Gjeneral Urbanistik, nuk ka plane detale urbanistike e si pasojë nuk ka zhvillim, por vetëm kaos dhe korrupsion”- ka shkruar Rexhepi.
Ja postimi plotë:
Ndërtime pa leje, legalizime të dyshimta, propagandë në vend të planifikimit❗️
Në Tetovë dhe Çair ka një gjë që po funksionon me përpikëri, e kjo është skema e ndërtimeve pa leje dhe legalizimeve korruptive që favorizon një grusht njerëzish dhe dëmton interesin publik.
Në mungesë të planeve detale urbanistike, ndërtohet pa leje dhe objektet pastaj legalizohen. Buxheti i komunës humb, qyteti deformohet, kurse nevojat e qytetarëve përdoren për fushatë.
Zgjidhja është e qartë:✅
Tetova ka nevojë për planifikim të mirëfilltë hapësinor. Pa Plan Gjeneral Urbanistik, nuk ka plane detale urbanistike e si pasojë nuk ka zhvillim, por vetëm kaos dhe korrupsion.
Është koha për plan jo propagandë!
Është koha për rend dhe zgjidhje sistematike jo pazare korruptive!
#Llogaridhënie #eVërtetaPërTetovën
