Presidentja e vendit Gordana Siljanovska Davkova sot do të marrë pjesë në meshën mortore kushtuar Shenjtërisë së Tij Papa Françeskut, që do të mbahet në Bazilikën e Shën Pjetrit në Vatikan.
Mesha do të drejtohet nga Shkëlqesia e Tij Kardinali Xhovani Batista Re, Dekan i Kolegjit të Kardinalëve.
Në përcjelljen e fundit të Papës në Sheshin e Shën Pjetrit, siç u njoftua nga Kabineti i Siljanovska-Davkovës, është njoftuar prania e shumë udhëheqësve botërorë – presidentë dhe kryeministra, anëtarë të familjeve mbretërore, udhëheqës fetarë dhe rreth 200,000 besimtarë.
Papa Françesku me kërkesë të tij, do të varroset në Bazilikën e Santa Maria Maxhore në Romë.
