Vetëm tre muaj pas vizitës zyrtare të delegacionit të Qeverisë së Malit të Zi në Uashington, të cilin unë e drejtova, dhe ku në emër të Malit të Zi nënshkrova Memorandumin për Bashkëpunim Ekonomik ndërmjet Malit të Zi dhe Shteteve të Bashkuara të Amerikës, jemi në rrugë të mbarë për të bërë një hap tjetër progresiv në këtë fushë.
Suksesi dhe produktiviteti i këtij Memorandumi shihet menjëherë në veprim, prandaj kompanitë më prestigjioze amerikane kanë shprehur interes për përmirësimin e marrëdhënieve tregtare dhe ekonomike me Malin e Zi, dhe lidhur me këtë, këto kompani do të vizitojnë vendin tonë, ku do t’i mirëpresim zyrtarisht në emër të Qeverisë së Malit të Zi të hënën, më 10 shkurt.
Numri historik i kompanive amerikane, që do të vizitojnë Malin e Zi në kuadër të ACEBA-s, do të jetë një mundësi e shkëlqyer për thellimin e lidhjeve tona të ngushta ekonomike, e cila promovohet edhe në bazë të Memorandumit që hap dyert për bashkëpunim konkret zhvillimor dhe investues.
Jam më shumë se kurrë krenar për nënshkrimin e këtij Memorandumi dhe institucionalizimin e partneritetit tonë, i cili do të rezultojë me ardhjen e kapitalit amerikan në Mal të Zi, të cilin unë personalisht, por edhe Qeveria e konsiderojmë shumë të rëndësishme dhe me shkëmbimin e përvojave dhe angazhimin e kompanive amerikane, do të arrijmë rritje dhe progres ekonomik në të mirë të të gjithë qytetarëve.
Ne po ecim me vendosmëri drejt zhvillimit të përgjithshëm, së bashku me aleatët tanë të dëshmuar amerikanë, tani dhe përgjithmonë!
