Kryetari i komunës së Kërçovës, Fatmir Dehari, në takim me mërgimtarët, ka cekur se janë simboli i frymëzimit dhe arritjeve në Kërçovë.
Kryetari Dehari ka shtuar se “me mbështetjen tuaj, po ndërtojmë një Kërçovë më të bashkuar dhe më të fortë për brezat që vijnë”.
Postimi i plotë i tij në fb:
Mërgata mbi të gjitha!
Sot, në shtëpinë tuaj, në themelet e komunës që ndërtuat me vizion dhe përkushtim, u çmallëm dhe diskutuam për të tashmen dhe të ardhmen e përbashkët.
Mërgimtarët treguan pjesëmarrje të jashtëzakonshme, ndërsa diskutimi u përqendrua në prezantimin e buxhetit të vitit 2025, fuqizimi i pjesëmarrjes në vendimmarrje dhe trajtimi i temave kyçe si gjuha, flamuri,arsimi, kultura ,sporti dhe zhvillimi ekonomik e infrastrukturor i Kërçovës ,si dhe ngjarjet aktuale në shtet.
Të dashur mërgimtarë,
Ju mbeteni simboli i frymëzimit dhe arritjeve tona kombëtare, politike dhe ekonomike. Me mbështetjen tuaj, po ndërtojmë një Kërçovë më të bashkuar dhe më të fortë për brezat që vijnë.
Me Ju dhe për Ju,për kërçovën tonë!
Faleminderit deri në pakufi!
