Kryetari i komunës së Kërçovës, Fatmir Dehari, ka publikuar agjendën e festave të nëntorit, duke filluar nga 27 deri më 28 nëntor.
Z. Dehari ka bërë thirrje për qytetarët: Ju ftojmë të gjithëve që të bëheni pjesë e këtyre aktiviteteve dhe të festojmë së bashku Ditën e Flamurit!
Postimi i tij në fb:
Bashkë festojmë Ditën e Flamurit Kombëtar!
Të dashur qytetarë,
Me krenari dhe dashuri për simbolin tonë kombëtar, ju njoftojmë për aktivitetet e organizuara për nder të kësaj dite të madhe:
Më 27 nëntor:
Do të shpërndajmë flamurin kombëtar në të gjitha bashkësitë lokale dhe do ta ngremë atë në shtizë, ndërsa qyteti ynë do të fillojë të dekorohet me simbole kombëtare.
Në ora 17:00, Gjimnazi “Drita” do të hapë një ekspozitë me motive kombëtare në ambientet e Pallatit të Kulturës.
Në ora 17:30, në Pallatin e Kulturës, do të shfaqet filmi “Nëntori i Dytë”, një homazh për historinë tonë kombëtare.
Më 28 nëntor:
Nga ora 10:00 deri në 13:30, shkollat tona dhe çerdhja do të organizojnë programe kulturo-artistike me motive kombëtare.
Manifestimi qendror do të mbahet në ora 18:00 te Pallati i Kulturës, ku nxënësit e shkollës së qytetit do të prezantojnë një program të veçantë.
Ju ftojmë të gjithëve që të bëheni pjesë e këtyre aktiviteteve dhe të festojmë së bashku Ditën e Flamurit!
Këto janë shkollat tona.
Këta jemi ne.
Kjo është komuna jonë!
