Irani duhet të menaxhojë humbjen teksa është nën presionin e Perëndimit për programin e tij bërthamor, ekonominë e tij të lëkundur dhe marrëdhëniet e tensionuara me shtetet e tjera të Lindjes së Mesme.
Vdekja e presidentit të Iranit, Ebrahim Raishi, nga rrëzimi i helikopterit që po e transportonte nga Azerbajxhani pasditen e së dielës krijon të dhëna të reja për Iranin dhe gjithashtu për Lindjen e Mesme. Siç vë në dukje Guardian, vdekja e Raisit do të përforcojë ndjenjën e një vendi tashmë në tranzicion politik. Gazeta britanike kujton se “një parlament i ri i linjës së ashpër u zgjodh vetëm më 1 mars, gjatë të cilit pjesëmarrja në disa rajone ra nën 10%, dhe pjesëmarrja e përgjithshme kombëtare arriti vetëm 41% – një rekord i ulët”.
“Reformatorët ose politikanët e moderuar ose u përjashtuan ose u mposhtën shtet pas shteti, duke e lënë parlamentin e ri të Iranit të ndarë midis ekstremistëve tradicionalë dhe grupit ultra-konservator të njohur si Paydari, ose Fronti i Stabilitetit,” vazhdon në analizën e saj Guardian.
