Sipas të dhënave të komisionit Shtetëror të Zgjedhjeve në Kumanovë deri në orën 9 kanë votuar 3,02 për qind e 99,85 për qind të përpunuar. Në Kumanovë të drejtë për votim kanë 93.364 votues, të cilët votojnë në 167 qendra votimi.
Në Likovë, siç është theksuar nga KSHZ, kanë votuar 1,93 për qind nga 99,90 për qind e të dhënave të përpunuara. Në këtë komunë të drejtë për votim kanë 25.998 votues të cilët votojnë në 36 qendra votimi.
Sipas të dhënave të KSHZ-së, në Nagoriçan të Vjetër deri në orën 9 kanë votuar 3,98 për qind e të dhënave të përpunuara 99,87 për qind. Atje të drejtë për votim kanë 3.043 votues të cilët votojnë në 38 qendra votimi nga të cilat dy janë të bashkuara, pra i shërbejnë 36 këshilla zgjedhorë.
Paraprakisht, kryetarët e komisioneve zgjedhore komunale informuan se në kohë janë hapur qendrat e votimit.