Gjatë natës së mbrëmshme aktivitetet e koalicionit VLEN janë mbajtur në
Komunën e Likovës. Me këtë rast, kryetari i parisë Alternativa, Afrim
Gashi ka premtuar një rregullim të infrastrukturës në këtë komunë.
Ai ka thënë se nuk ka logjikë të flitet për gjera të tjera, kur këtij
vendi i mungojnë gjerat elementare.
“Nuk ka kuptim që ata ende të vijnë këtu e të flasin për UÇK-në, për
dëshmorët, për veteranët e invalidët, ndërsa secili fshat ka mungesë
uji, mungesë dritash, mungesë asfalti e mungesë kanalizimi. Prandaj,
obligimi ynë është që në qeverinë e ardhshme të ndajmë 500 milionë euro
nga buxheti shtetëror dhe njëherë e përgjithmonë ta mbyllim temën e
infrastrukturës edhe për zonën e Likovës”.
Tutje kryetari i Alternativës ka thënë se ndryshimi për qytetarët do të
vije vetëm për mes një kodi.
Të dashur të pranishëm, nëse këtë që e thashë dëshirojmë ta bëjmë
realitet, ekziston vetëm një kod dhe ky është numri 6. Më 24 prill ky
kod e hap derën që Taravari të shkojë në raundin e dytë, ndërsa kur Dr.
Arbeni të fitojë, 8 maji do të jetë një mundësi që secili të festojë.
Ju faleminderit e mirupafshim në fitoren e madhe!”.
