Shtetet e Bashkuara njoftuan këtë të shtunë se po dërgojnë përforcime në Lindjen e Mesme pasi rritet frika se Irani do të sulmojë Izraelin si hakmarrje për sulmin vdekjeprurës në konsullatën iraniane në Siri.
Izraeli është tashmë në gatishmëri të lartë për një sulm të mundshëm të drejtpërdrejtë nga Irani në ditët në vijim.
“Ne po dërgojmë mjete shtesë në rajon për të forcuar përpjekjet rajonale të parandalimit dhe për të mbrojtur forcat amerikane”, tha një zyrtar i paidentifikuar ushtarak amerikan.
Ai nuk zbuloi se cilat ishin përforcimet.
Irani kërcënoi Izraelin pas sulmit izraelit më 1 prill, kur u shkatërrua konsullata iraniane brenda ambasadës së Damaskut dhe 16 persona u vranë, duke përfshirë dy gjeneralë të “Rrojtësve të Revolucionit Islamik”, një krah special i ushtrisë iraniane.
Kërcënimet e Iranit ndaj Izraelit janë “të besueshme” dhe “reale”, tha këtë të shtunë zëdhënësi i Shtëpisë së Bardhë për sigurinë kombëtare, John Kirby. Ai tha se SHBA synon të bëjë “çdo gjë të mundshme për të siguruar që Izraeli të mund të mbrohet” dhe të sigurojë që amerikanët të jenë “saktë” të përgatitur për një sulm të kërcënuar.