Të etur për pushtet, VMRO-DPMNE në vazhdimësi po sfidon bashkëjetesën dhe tolerancën ndëretnike, duke shkaktuar huti në opinion se pikërisht ajo na qenka partia që mund të vendos se cila parti shqiptare është e denjë për partneritet qeverisës.
Në një deklaratë për media, nënkryetari i VMRO-së, Aleksandar Nikollovski, tha se “Bashkëpunimi ndërmjet VMRO-DPMNE-së dhe BDI-së pas zgjedhjeve është i pamundur”.
I bëjmë me dije VMRO-së dhe derivateve të saj te opozita shqiptare se qytetarët janë partnerë kryesor të Bashkimit Demokratik për Integrim dhe pikërisht qytetarët vendosin se kush do të udhëheq Qeverinë në mandatin e ardhshëm.
Në mungesë të ofertës për një jetë më të mirë për të gjithë qytetarët dhe të frikësuar se fitorja e thellë e presidentit në ardhje – Bujar Osmani dhe e Frontit Europian, VMRO dhe opozita shqiptare po vazhdojnë me fjalorin e pistë zgjedhor, duke dashur të minimizojnë çdo ndryshim që i ka ndodhur vendit dhe qytetarëve.
Fronti Europian është koalicion serioz, me përgjegjësi të madhe që për detyrë kryesore e ka trasimin e rrugës europiane të shtetit dhe jo lojërat me fjalë që, për pikë politike, e vënë në pikëpyetje të ardhmen e vendit dhe qytetarëve të saj.
Njëkohësisht, i bëjmë thirrje opozitës maqedone dhe asaj shqiptare, se BDI – më 8 maj do të jetë në pozitë të zgjedh partnerin qeverisës dhe jo VMRO, pasi Fronti Europian do të kalojë +20 deputetë.
BDI: Për fituesin vendosin qytetarët dhe jo VMRO
