Sekretari gjeneral i Bdi-së, njëherit dhe kandidat për deputet nga Fronti Evropian Faton Ahmeti, njofton se rrugëtimit politik të Frontit Evropian janë bashkangjitur shum struktura dhe anëtarë të Alternativa.
Ahmeti ju ka dëshiruar mirseardhje në familjen e madhe të Bashkimit Demokratik për Integrim, njëkohësisht dhe në kualicionin më të madh shqitarë të deritanishëm Fronti Evropian.
“Së bashku do të angazhohemi, që në këtë moment historik, të dalim ngadhnjimtarë dhe më të fortë në përballje me sfidat që na presim”- ka theksuar Ahmeti.
Ja postimi plotë:
Qytetarët e kanë kuptuar mesazhin, çdo ditë e më shumë po marrim përkrahje.
Më kënaqësi të madhe ju njoftoj që në rrugëtimin tonë politik na janë bashkangjitur shumë struktura dhe anëtarë të partisë Alternativa.
Bëhet fjalë për kryetarë degësh, anëtarë të kryesisë qëndrore, këshilltarë komunal, kryetarë forumesh dhe shumë aktivistë tjerë.
Të gjithëve ju urojmë mirëseardhje në familjen e madhe politike të quajtur Bashkimi Demokratik për Integrim, dhe njëkohësisht në koalicionin më të madh që kanë pasur shqiptarët ndonjëherë, në “Frontin Europian”.
Së bashku do të angazhohemi, që në këtë moment historik, të dalim ngadhnjimtarë dhe më të fortë në përballje me sfidat që na presim.
Bashkë më të fortë!
#JoRusisëPoEuropës
