Në mesnatë skadoi afati për mbledhjen e nënshkrimeve për kandidatët për president në zgjedhjet presidenciale që filloi më 23 shkurt. Zyrtarisht në garë janë 7 kandidatë për zgjedhje presidenciale, rrethi i parë i të cilave do të mbahet më 24 prill të këtij viti.
Sipas të dhënave të KSHZ, deri më 7 mars ora 20, nga 15 kandidatët e paraqitur për mbledhjen e nënshkrimeve për zgjedhjet presidenciale, deri më tani 10 mijë nënshkrimet e nevojshme i kanë mbledhur Stevo Pendarovski i mbështetur nga LSDM-ja, i cili ka 22 413 nënshkrime, Gordana Siljanovska Davkova nga radhët e VMRO-DPMNE-së – 28 086 nënshkrime, Bujar Osmani nga BDI – 11 085 nënshkrime, Arben Taravari nga koalicioni opozitar shqiptarë VLEN 10 708 nënshkrime, kandidati i GROM-it Stevoç Jakimovski – 11 292 nënshkrime, Maksim Dimitievski, lider i partisë ZNAM – Për Maqedoninë tonë – 11 605 nënshrkime dhe Blijana Vankovska Cvetkovska nga Levica – 10 568 nënshkrime.
Të gjithë kandidatët e tjerë kanë më pak nënshkrime – kandidatja Mersiha Smailoviq e mbështetur nga Unioni Demokratik Boshnjak ka 3 243, Vello Markovski 1 668 nënshkrime, Gjorgji Manaskov 496, Zorica Cvetkovska 293, Gospodin Poposki 147, Goce Ristov 6 dhe Dragan Nikollovski 8 nënshkrime. . Deri më tani, sipas KSHZ-së, nuk ka asnjë nënshkrim për kandidatin Tome Nikolloski.
Mbledhja e nënshkrimeve është bërë në të gjitha zyrat rajonale dhe zyrat e KSHZ-së të vendosura në selitë e 34 pushteteve lokale dhe te noterëve kompetentë.
Kur parashtruesi i listës së kandidatit për president është një grup votuesish, është e nevojshme të mblidhen së paku 10.000 nënshkrime nga votuesit e regjistruar në Listën Zgjedhore, ndërsa kur parashtrues i listës së kandidatit për president janë deputetë, është e nevojshme që mblidhen së paku 30 nënshkrime nga deputetët.
Listat e kandidatëve për President të shtetit, pjesëmarrësit në zgjedhje duhet t’i dorëzojnë në KSHZ më së voni deri më 19 mars deri në mesnatë.
Në mesnatë përfundoi mbledhja e nënshkrimeve. Zyrtarisht shtatë kandidat në garë për president
