Arsovska: Së shpejti do të fillojë rregullimi i rrugëve në Kanionin e Matkës
Kështu duken rrugët në Kanionin e Matkës.
“Rruga e cila të dërgon në Kanionin e Matkës edhe këtë vit nuk u rregullua. Njerëzit të cilët nuk deshen të prononcohen përpara kamerave thonë që kjo rrugë duhet të zgjerohet dhe rregullohet për shkak që kjo vështirëson kalimin me veturat e tyre”, raporton nga terreni gazetarja e KlanM, Neal Sejfulla.
Kryetarja e qytetit të Shkupit Danella Arsovska tha që projekti për rikonstruimin e rrugës në kanionin e Matkës është drejt fundit dhe se së shpejti do të fillohet të punohet.
“Njëra ndër projektet tjera që do e realizojmë së bashku me Komunën e Sarajit është rikonstruimi i rrugës në Kanionin e Matkës, po ashtu në Matkën e Epërme do të zgjedhim problemin për mungesën e ujit dhe do bëjmë rregullimin e rrugës që të dërgon në Matkën e Epërme”, tha Danella Arsovska, kryetare e Qytetit të Shkupit.
Kanioni i Matkës është një ndër vendet më të frekuentuara në sezonin e verës që vizitohet nga një numër i madh i turistëve vendas dhe të huaj./KlanMacedonia