Kryetari i komunës së Drenasit, Ramiz Lladrovci, priti në takim, z. Musa Hoti me birin e tij Florianin, me ç’rast i vlerësoi si personalitete që e lartësojnë emrin e Kosovës.
“Floriani e bën krenar jo vetëm familjen Hoti nga Polaci, në veçanti babanë e tij Musën, por edhe të gjithë neve që e shohim rininë tonë me suksese të jashtëzakonshme në mërgatë”, ka shkruar Lladrovci.
Postimi i plotë:
Ishte kënaqësi të pres mikun tim, Musa Hotin, atdhetarin tonë të shquar me shumë suksese në Belgjikë. Ai ka shkollën private të aviacionit me disa aeroplanë dhe është pronar i fabrikës që prodhon xhamat ndër më cilësorët në botë.
Me Musën erdhi edhe biri i tij, Floriani, i cili pas testimit para disa javëve u shpall nxënësi më i mirë nga Ministria e Mbrojtjes së Belgjikës dhe gjeneralët e kësaj ministrie, të cilët ia dorëzuan mirënjohjen dhe pranimin në shkollën ushtarake.
Floriani, tashmë gati 18 vjeçar, nxënës me sukseset e shkëlqyera, dëshmoi lidhjen e fortë me Kosovën. Ai kishte mundësinë të përzgjidhte shtetet e ndryshme në botë për praktikën shkollore, ai vendosi për Kosovën dhe përzgjodhi Drenasin.
Floriani e bën krenar jo vetëm familjen Hoti nga Polaci, në veçanti babanë e tij Musën, por edhe të gjithë neve që e shohim rininë tonë me suksese të jashtëzakonshme në mërgatë. Presim që ashtu sikur babai i tij Musa e lartësoi emrin e Kosovës, këtë ta bëj edhe Floriani.
