hands of prisoner in jail.
Gazetari e njëkohësisht ish-banori i “Big Brother Albania”, Adi Pojana hapi zemrën dhe foli sot për të shkuarën “e errët”.
I ftuar në “Se luan topi”, Adi tregoi përvoja të jetës, gabimet që nuk duhet t’i kishte bërë, por ai thotë se ato e kanë bërë të fortë, por edhe e kanë stërvitur të mos kërkojë “luksin” nga jeta, por ta gjejë lumturinë te gjërat e vogla dhe të thjeshta.
Ai deklaroi se ajo që i mungon më shumë është përqafimi mallëngjyes e i munguar i një nëne. Adi kujton mes emocionesh disa prej kujtimeve e pengjeve më të mëdha që i kanë mbetur nga e ëma.
Teksa rrëfeu që fotografinë e prindërve e puth çdo mëngjes dhe çdo mbrëmje, bën një autokritikë duke i dërguar edhe publikut një mesazh:
“I them vetes, po si more idiot, aty e kishe çdo ditë dhe nuk e puthje, tani puth fotografinë në kornizë… Puthini dhe përqafojini prindërit të gjithë ju që i keni, se s’do t’i keni më një ditë…”, tha ai.
Ai tha se ka shumë pengje që i kanë mbetur prej nënës, por mes shumë sakrificave, Adi kujton periudhën e tij më të errët, në të cilën e ëma ishte i vetmi njeri që nuk e la kurrë vetëm. Jo pak, 3 vjet e gjysmë në burg pas abuzimit me drogën, por e ëma ishte ajo që e shpëtoi edhe prej andej.
“Më priste te dera e burgut me qeset më të mëdha sesa ajo vetë”-shtoi ai.