KOSOVË

KFOR-i konfirmon se ushtari që u lëndua në Zveçan i është amputuar këmba

Një ushtari hungarez, që shërbeu në forcat paqeruajtëse të NATO-s në Kosovë, KFOR, i është amputuar këmba pas lëndimeve që ka marrë në përleshjet me protestuesit serbë në veri të Kosovës.

Më 29 maj, gjatë protestave të vazhdueshme të serbëve në komunat veriore, ishin sulmuar dhe kishin pësuar lëndime 30 ushtarë të KFOR-it.

Në një përgjigje për Radion Evropa e Lirë, KFOR-i ka konfirmuar se ushtarit hungarez i është amputuar këmba, duke shtuar se të gjithë ushtarët e lënduar “janë kthyer në shtëpitë e tyre”.

Më herët, mediat në Hungari kishin raportuar për amputimin e këmbës së ushtarit nga kontingjenti hungarez.

Përveç 19 ushtarëve hungarezë, atë ditë në komunën e Zveçanit, ishin lënduar edhe 11 ushtarë italianë.

Tre nga ushtarë të Hungarisë ishin plagosur me armë zjarri.

Serbët në katër komunat veriore të Kosovës janë duke protestuar që nga 26 maji, duke kundërshtuar kryetarët e rinj shqiptarë të komunave në veri.

Pas rritjes së tensioneve në veri të Kosovës, NATO ka angazhuar 700 trupa shtesë në Kosovë, përveç 4.000 trupave që veçse janë të dislokuar në Kosovë.

Related posts

FJALIM LAMTUMIRËS I ALI AHMETIT PËR ISMAIL VISHIN, FURNIZUESESIN E NJËSITEVE TË PARA TË USHTRISË ÇLRIMTARE TË KOSOVËS

Gjyla Halili

Terrorizohen banorët në zonat e përmbytura në Greqi, gjarpërinjtë po u pushtojnë shtëpitë

admin

Takimi Kurti-Vuçiç në Bruksel/ Pajtim për të zhdukurit, mospajtim për Asociacionin

admin

Leave a Comment