Në prani të presidentes së Greqisë, Katerina Sakelaropulu, Qeveria e re greke sot do të bëjë betimin solemn në Pallatin presidencial.
Menjëherë pas betimit, ministrat e rinj do të bëjnë pranim- dorëzimin e funksioneve nga paraardhësit e tyre nga qeveria zyrtare.
Përbërja qeveritare dje ka bërë publike zëdhënësin e ri të qeverisë, Pavlos Marinakis, pasi Kirjakos Micotakis u betua si kryeministër i ri i Greqisë.
Ministër i Punëve të Jashtme do të jetë ministri i deritashëm i shtetit Jorgos Geraptertitis, ndërsa si zëvendës janë Aleksandra Papadopulu, një diplomate me përvojë e cila ndër të tjera në të kaluarën ka qenë edhe ambasadore e Greqisë në Shkup si dhe Jorgos Kociras, ndërsa Kostas Frankojanis do ta mbajë detyrën e deritashme.
Shefi i mëparshëm i diplomacisë, Nikos Dendias kalon në Ministrinë e Mbrojtjes ku do të ketë dy zëvendës.
Në Ministrinë e Financave dhe Ekonomisë Nacionale vjen Kostis Haxidakis, i cili më parë ka qenë ministër i Punës, ndërsa ministri i mëparshëm i Financave, Hristos Stajkuras shkon në Ministrinë e Mjedisit Jetësor dhe Energjetikës.
Shefi alternativ aktual i diplomacisë i ngarkuar për Çështje Evropiane, Miltiadis Varvicioktis do të jetë ministër i Çështjeve Detare, ndërsa në Ministrisë së Migracionit dhe Azilit vjen profesori Dimitris Keridis.
Ministri i mëparshëm i Politikës Digjitale, Kirjakos Pierakakis shkon në Arsim në vend të Niki Kerameosit e cila është ministre e re për Punë të Brendshme.
Në vendin e Vasilis Kikilasit në Ministrinë e Turizmit i cili do të jetë ministër për Krizat Klimatike, vjen Olga Kefalojani.
Paralelisht formohet edhe Ministria e re e Kohezionit Social dhe Familjes ku edhe ministrja edhe zëvendësja janë gra, ndërsa e vetmja ministri ku nuk ka ndryshime në postin ministror është ajo e Kulturës.
Pas betimit të sotëm solemn dhe marrjes zyrtare të detyrave, nesër do të mbahet seanca e parë qeveritare.