“Sudani po shkon drejt vdekjes dhe shkatërrimit me një shpejtësi të paprecedentë”, kështu u shpreh shefi i OKB-së Antonio Guterres, teksa u kërkoi donatorëve të ndërhyjnë dhe të frenojnë katastrofën që po shpaloset.
“Shkalla dhe shpejtësia e vdekjes në Sudan dhe shkatërrimi është i paprecedentë. Pa mbështetje të fortë ndërkombëtare, Sudani mund të bëhet shpejt një vend i paligjshmërisë, duke rrezatuar pasiguri në të gjithë rajonin“, tha Guterres
Ushtria sudaneze, e udhëhequr nga Abdel Fattah al-Burhan, që nga 15 prilli po lufton me forcat paraushtarake të komanduara nga ish-zëvendësi i tij Mohamed Hamdan Daglo, pasi të dy ranë në një luftë të ashpër për pushtet.
Kombet e Bashkuara kanë dy apele për trajtimin e krizës, reagimin humanitar brenda Sudanit dhe reagimin e refugjatëve jashtë kufijve të tij.
Apelimet kanë nevojë për 3 miliardë dollarë këtë vit, por janë më pak se 17 për qind të financuara deri më tani.
Armëpushime të shumta janë rënë dakord dhe thyer në luftë, e cila ka marrë jetën e më shumë se 2,000 njerëzve dhe ka dëbuar dy milionë të tjerë nga shtëpitë e tyre, duke përfshirë të paktën 528,000 të cilët kanë ikur jashtë vendit.
Top Channel
