Tenisti spanjoll Rafael Nadal ka festuar në spital ditëlindjen e tij të 37-të, pasi është operuar nga artroskopia. Lajmin e konfirmoi vetë Nadal përmes një postimi në rrjetet sociale.
Operacioni është kryer në Barcelonë për shkak të një dëmtimi të kofshës së majtë.
Ky operacion pritet të sistemojë përgjithnjë problemin që Nadal ka me një tendinë, që e mban larg fushave që prej janarit të këtij viti. “Operacioni doli me sukses.
Do të nis gradualisht rehabilitimin, një proces rikuperimi normal. Mjekët thonë se do të zgjasë 5 muaj në rast se gjërat shkojnë mirë”, tha Nadal.
“Gjithçka shkoi mirë dhe shpresoj të sistemoj përgjithnjë këtë dëmtim të vjetër.
Dua të falënderoj mjekët për punën e bërë dhe fansat që më presin”, tha fituesi i 22 grand slam.
Me shumë gjasa, Nadal do të rikthehet të luajë vitin tjetër, duke nisur në fund të këtij viti përgatitjet për Australian Open.
/BotaSot/