Analizimi i të dhënave të regjistrit danez me rreth 6.5 milionë banorë, për rreth 5 dekada, ka treguar gjatë kësaj periudhe rreth 60 mijë të regjistruar për keqpërdorim kanabisi dhe rreth 45 mijë të diagnostikuar me skizofreni.
Keqpërdorimi i kanabisit e ka rritur për 2 herë mundësinë e zhvillimit të skizofrenisë, mirëpo në grupmoshën 16-20 vjeçare, rreziku në meshkujt është trefishuar krahasuar me femrat.
Hulumtuesit vlerësojnë se në meshkujt 16-49 vjeçarë, rreth 15% të rasteve të zhvillimit të skizofrenisë do të mund të parandaloheshin po qe se nuk do të keqpërdorej kanabisi (krahasuar me 4% te femrat).
Kur bëhet fjalë për meshkujt 21-30 vjeçarë, rastet që do të mund të parandaloheshin arrijnë në 30%.
