Djali i Marcelo, Enzo Alves, është në një formë fantastike edhe pse është ende 13-vjeç.
Kohët e fundit, ai ka kaluar shifrën e 100 golave që kur mbërriti në “La FAbrica” në verën e vitit 2017. Enzo konsiderohet si një nga yjet e së ardhmes së Real Madrid.
Kjop performancë e tij, nuk mund të kalonte pa u vënë re nga kombëtarja spanjolle, të cilët e grumbulluan në ekipin U-15. Siç raportohet nga shoqëruesit e Enzo Alves për “AS”, lojtari nuk ka marrë asnjë telefonatë nga Brazili për të shprehur interesimin e tyre për të.
Fillimisht nuk kishte interes të dukshëm për shkak të distancës mes Brazilit dhe Spanjës, si dhe moshës së tij të re. Megjithatë, thirrja nga Spanja ka vënë alarmin në CBF.
Tani nga Brazili, siç raporton “Uol Sport”, ata duan që Enzo të përfudnojë duke luajtur për Brazilin. Branco, koordinatori i bazës së futbollit të seksionit brazilian, siguron se kanë në mendje djalin e Marcelos.
“Ne i vëzhgojmë të gjithë. Kushdo që ka cilësi do të thirret. Çdo trajner do një lojtar cilësor, djali i Marcelos është një më shumë, madje më shumë se sa pritet”, është shprehur ai.
/BotaSot/