Ekipi i RTV21 përsëri u sulmua nga protestuesit derisa raportonin për protestat dhe situatën në veri të Kosovës, më saktë në komunën Zveçan. Gazetari Burim Zeqiri u godit nga një protestues me grusht në shpinë. Për fat të mirë këtu përfundoi incidenti dhe kolegu ynë nga Prishtina nuk ka lëndime serioze. Përndryshe, ditëve të fundit ishim dëshmitarë të disa sulmeve fizike si dhe verbale nga ana e protestuesve ndaj ekipeve të gazetarëve, para se gjithash të ekipeve nga Kosova.
