Një nxënës i shkollës fillore “Vladislav Ribnikar” në qendër të Beogradit, ka vrarë rojën e shkollës dhe ka plagosur me armë zjarri disa nxënës të tjerë, raportojnë mediet serbe.
Sipas raportimeve të para, nxënësi 14-vjeçar me armën e babait të tij ka qëlluar drejt nxënësve të tjerë si dhe sigurimit të shkollës.
Tashmë është arrestuar nxënësi që ka qëlluar me armë.
Siç raporton reporteri i N1, zona përreth zonës së të shtënave është e bllokuar.
Policia po tenton të largojë prindërit nga vendi i ngjarjes, ndërsa para shkollës ndodhen të paktën 10 autoambulanca.
Prindërit që ndodhen para shkollës thonë se zyrtarisht nuk u është thënë asgjë.