Kryebashkiaku i New Yorkut, Eric Adams është takuar me besimtarët myslimanë në kët muaj të shenjtë të Ramazanit.
Adams vizitoi Qendrën Kulturore Islame Shqiptare, ku u takua me Imam Tahir Kukaj, Imam Ferid Bedrolli dhe Imam Zurkani Vardar, themelues dhe kryetar i xhamisë.
“Ky është një nga momentet më të shenjta në vendin tonë. Ne kemi Ramazan, Pashkë, dhe është një moment ku të gjithë bashkohemi”, tha Adams.
“Ky komunitet shqiptar është vetëm një komunitet solid. Ata besojnë, si unë, në sigurinë publike, arsimin, bizneset e vogla, familjen dhe lutjen. Pavarësisht se çfarë thotë dikush, është koha për t’u lutur” tha ai.
