Këshilli Ekonomik-Social pritet të mbajë sot një seancë në të cilën duhet të vendosë për lartësinë e pagës minimale.
Ministrja e Punës dhe Politikës Sociale, Jovanka Trençevska, të premten në një deklaratë për Agjencinë e lajmeve MIA, bëri të ditur se seanca do të mbahet sot dhe se do të diskutohet për pagën minimale.
“Vendimi për lartësinë e pagës minimale sillet pikërisht në Këshillin Ekonomik – Social, pastaj botohet në Gazetën Zyrtare, në mënyrë që punëdhënësit të harmonizojnë pagat që do të paguajnë për muajin mars me vendimin, respektivisht me vlerën e pagës minimale”, tha Trençevska.
Pritjet e Qeverisë, sipas deklaratave të mëparshme të ministrave nga sektori ekonomik, janë që paga minimale të jetë rreth 20.000 denarë.
Paga minimale përshtatet çdo mars. Me ndryshimet në Ligjin për pagën minimale u vendosën kritere të reja sipas të cilave paga minimale përshtatet me 50 për qind të kostos së jetesës dhe 50 për qind me rritjen e pagës mesatare.